I går byrja det så smått å gå opp for meg: Eg er hekta!
Det er ei stund sidan eg var på garnbutikken no. Bortsett frå den dagen eg var innom for å kjøpe endå ein rundpinne for å komplettere samlinga, og tilfeldigvis fann eit tiltrekkjande garnnøste når eg likevel var der.
I går fekk eg ei ekkel kjensle sildre gjennom ryggmargen medan eg sat her og spøta på ein sokk. Tenk om eg ikkje har eit garnnøste til i same fargen! Og i kveld såg eg at eg ikkje hadde nok av restegarnet som eg har brukt innimellom. Tenk om eg ikkje har meir!
Begge gongane la eg tastatur og spøt resolutt ifrå meg for å gå opp og sjekke. Og letta var like stor begge gongane, då eg såg at eg har vore framsynt nok til å kjøpe så eg har rikeleg.
Takk og lov - så blir sokkeparet ferdig i løpet av helga likevel. Innimellom øvingshelg og fjøsstell.
onsdag 24. oktober 2012
søndag 14. oktober 2012
Oktober
Oktober kom jammen brått i år!
Kaldt og fælt og skummelt å køyre bil om morgonane.
Ikkje nok med at oktober kom brått: Vi er omlag halvferdige med den også!
Men vi har i det minste hatt ei haustferieveke med strålande ver.
Sist helg tok vi inn sauene for å sortere ut lamma som skulle til slakt. Vi var pissblaute då vi var ferdige. Dei utsorterte lamma vart leverte på fredag, og i går tok vi inn alle dyra for vinteren.
Ei veke med finever har verkeleg gjort susen, for sjølv om vi har sortert både to og tre gongar for å få alle dyra på rette plassen, var vi like tørre etterpå.
Sauer er forresten "ålreite dyr", det.
Dei skal ha mat og stell og vi skal helst ha nokre kroner att for arbeidet også. Men med ein flokk på knapt 30 vinterfora sauer, må ein nok helst kalle sauebondefaktene mine for bonderomantikk.
Elles så har både Johnny, Svein Kåre, Maleenee og eit par andre i meir perifer familie hatt bursdagar denne veka: Gratulerer til alle saman!
Så var det spøtinga då...
Eg er omlag halvferdig med eit litt større prosjekt som eg har på gong.
Elles så går det i barnesokkar for tida. Ein sokk om gongen. Den andre sokken er alltid vanskeleg å bli ferdig med. Men det blir no nokre par utav det til slutt.
Har eigentleg lyst til å strikke noko anna også - innimellom. Noko som er litt mindre tankekrevande. På høveleg tjukke pinnar, og som ikkje treng å vere likt med noko eg har spøta før. Men så er eg også litt redd for å ha altfor mange prosjekt på gang på ein gong.
Eg har ikkje huset fullt av spøteoppskrifter og inspirasjon frå før, så eg slit litt med akkurat det der.
Kaldt og fælt og skummelt å køyre bil om morgonane.
Ikkje nok med at oktober kom brått: Vi er omlag halvferdige med den også!
Men vi har i det minste hatt ei haustferieveke med strålande ver.
Sist helg tok vi inn sauene for å sortere ut lamma som skulle til slakt. Vi var pissblaute då vi var ferdige. Dei utsorterte lamma vart leverte på fredag, og i går tok vi inn alle dyra for vinteren.
Ei veke med finever har verkeleg gjort susen, for sjølv om vi har sortert både to og tre gongar for å få alle dyra på rette plassen, var vi like tørre etterpå. Sauer er forresten "ålreite dyr", det.
Dei skal ha mat og stell og vi skal helst ha nokre kroner att for arbeidet også. Men med ein flokk på knapt 30 vinterfora sauer, må ein nok helst kalle sauebondefaktene mine for bonderomantikk.
Elles så har både Johnny, Svein Kåre, Maleenee og eit par andre i meir perifer familie hatt bursdagar denne veka: Gratulerer til alle saman!
Så var det spøtinga då...
Eg er omlag halvferdig med eit litt større prosjekt som eg har på gong.
Elles så går det i barnesokkar for tida. Ein sokk om gongen. Den andre sokken er alltid vanskeleg å bli ferdig med. Men det blir no nokre par utav det til slutt.
Har eigentleg lyst til å strikke noko anna også - innimellom. Noko som er litt mindre tankekrevande. På høveleg tjukke pinnar, og som ikkje treng å vere likt med noko eg har spøta før. Men så er eg også litt redd for å ha altfor mange prosjekt på gang på ein gong.
Eg har ikkje huset fullt av spøteoppskrifter og inspirasjon frå før, så eg slit litt med akkurat det der.
søndag 23. september 2012
Både litt deppa og litt forarga
Siste tida har vore litt tung av ymse årsaker. Har blitt litt "system overload", for å seie det slik.
Dødsfall og jordfesting i familien, mannen vekke på kurs i staden for å vere heime i friveka si, alt eg skulle ha gjort som ikkje blir gjort - og til slutt alt som skjer som tek litt knekken på meg for tida fordi eg føler eg prioriterer heilt feil.
Dødsfallet i familien var ikkje uventa, og det var heller ikkje aller næraste familie lenger. Men likevel så skjer det noko med ein slike tider. Det blir på ein måte litt vanskeleg å forhalde seg til dei næraste sørgjande, samstundes som ein føler på si eiga sorg over den som er borte. Tankane vandrar om livet og døden og glede og sorg. Blir så mange tankar å halde styr på, at det blir reint for mykje.
Midt i det heile måtte Odd Einar på kurs. Tolv dagar jobb, eit par dagar heime, fem dagar kurs og to døgn heime før ny jobbeperiode. Og slik blir det den neste månaden også. Han får dårleg samvit for at han "aldri" er heime, og eg tykkjer det må bli mykje for han å halde på slik. Og så har vi sjølvsagt fjøshelg dei få dagane han er heime no.
I tillegg føler eg litt dårleg samvit for at eg saknar å ha han heime. Ulogisk? Slett ikkje. Men eg orkar ikkje å skrive ei lang, komplisert og filosofisk utgreiing om akkurat det her og no. ;-)
Samstundes har det vore eit par gode veker. Annbjørg var heime nokre hardt tiltrengde fridagar. Det tykte eg var kjekt. Dei to jentene våre fekk mykje tid saman. Det skjer så altfor sjeldan, og i lys av sorga var det ekstra godt å ha alle fire borna innanfor "synsvidde".
Men kva er eg då så forarga for?
Jau, det skal eg fortelje: Før Annbjørg kom heim, gøymde eg vekk eit spøt ho ikkje skulle sjå. Og no kan eg slett ikkje finne att oppskrifta! Spøtet var på plass, men oppskrifta har eg sannsynlegvis gøymt ein annan lur stad.
At det går an!
Får lyst til å spytte og frese og trampe i golvet.
Ja, ja...
Hovudet virkar vel snart igjen. Oppskrifta dukkar nok opp - når eg har kjøpt ny, sjølvsagt.
I mellomtida får eg halde fram med sokk nr. to i par nr ørten og håpe på at det blir finever leeenge. :-)
Dødsfall og jordfesting i familien, mannen vekke på kurs i staden for å vere heime i friveka si, alt eg skulle ha gjort som ikkje blir gjort - og til slutt alt som skjer som tek litt knekken på meg for tida fordi eg føler eg prioriterer heilt feil.
Dødsfallet i familien var ikkje uventa, og det var heller ikkje aller næraste familie lenger. Men likevel så skjer det noko med ein slike tider. Det blir på ein måte litt vanskeleg å forhalde seg til dei næraste sørgjande, samstundes som ein føler på si eiga sorg over den som er borte. Tankane vandrar om livet og døden og glede og sorg. Blir så mange tankar å halde styr på, at det blir reint for mykje.
Midt i det heile måtte Odd Einar på kurs. Tolv dagar jobb, eit par dagar heime, fem dagar kurs og to døgn heime før ny jobbeperiode. Og slik blir det den neste månaden også. Han får dårleg samvit for at han "aldri" er heime, og eg tykkjer det må bli mykje for han å halde på slik. Og så har vi sjølvsagt fjøshelg dei få dagane han er heime no.
I tillegg føler eg litt dårleg samvit for at eg saknar å ha han heime. Ulogisk? Slett ikkje. Men eg orkar ikkje å skrive ei lang, komplisert og filosofisk utgreiing om akkurat det her og no. ;-)
Samstundes har det vore eit par gode veker. Annbjørg var heime nokre hardt tiltrengde fridagar. Det tykte eg var kjekt. Dei to jentene våre fekk mykje tid saman. Det skjer så altfor sjeldan, og i lys av sorga var det ekstra godt å ha alle fire borna innanfor "synsvidde".
Men kva er eg då så forarga for?
Jau, det skal eg fortelje: Før Annbjørg kom heim, gøymde eg vekk eit spøt ho ikkje skulle sjå. Og no kan eg slett ikkje finne att oppskrifta! Spøtet var på plass, men oppskrifta har eg sannsynlegvis gøymt ein annan lur stad.
At det går an!
Får lyst til å spytte og frese og trampe i golvet.
Ja, ja...
Hovudet virkar vel snart igjen. Oppskrifta dukkar nok opp - når eg har kjøpt ny, sjølvsagt.
I mellomtida får eg halde fram med sokk nr. to i par nr ørten og håpe på at det blir finever leeenge. :-)
søndag 2. september 2012
Julegåveproduksjon
Kven skulle tru at eg nokonsinne ville tenkje på julegåver allereie i august?
Må jo ha planer om neste spøteprosjekt. Men det betyr at eg ikkje kan skrive om eller legge ut bilete av det eg lagar.
Frustrerande ikkje å få skryte litt!
Men eg kan no seie så mykje som at eg har fleire spøt på ein gong, og at ein del av dei er sokkar. Har planer om å ta bilete av alle og lage innlegg som eg daterer fram i tid. Så får vi no sjå om eg lagar eitt og anna som eg kan skryte av undervegs også.
Må jo ha planer om neste spøteprosjekt. Men det betyr at eg ikkje kan skrive om eller legge ut bilete av det eg lagar.
Frustrerande ikkje å få skryte litt!
Men eg kan no seie så mykje som at eg har fleire spøt på ein gong, og at ein del av dei er sokkar. Har planer om å ta bilete av alle og lage innlegg som eg daterer fram i tid. Så får vi no sjå om eg lagar eitt og anna som eg kan skryte av undervegs også.
lørdag 25. august 2012
Meir spøt
Neida, eg har korkje gitt opp spøt eller blogg!
Kan berre ikkje skryte i bloggen utan å ha noko å vise til.
Men no har eg altså gjort det. Spøta den gensaren eg skulle ha spøta for 22 år sidan. Den vart berre nokre nummer mindre og med eit anna mønster. Eg vart forresten så ivrig, at det ikkje tok meir enn ei veke å lage den.
Her ligg den til tørk ute, etter at eg har strekt den for å få vekk skrukkene etter tråden eg rekte opp av den gamle bolen.
Må innrømme at eg er litt stolt over faktisk å ha gjennomført.
Gensaren har endeleg tørka, og jenta har fått den på seg.
Etter råd frå meir spøtekyndige enn meg, brukte eg eit par nummer større pinnar for å få gensaren stor nok. Mønsteret var nemleg eit par nummer for lite, og tråden var tjukk. Så den vart faktisk rikeleg stor, og eg trur eg må setje ein strikk i halskanten for at ho skal kunne bruke den allereie i vinter.
Sidan eg no er ferdig med både gensaren og det "umoglege" sokkeparet, har eg starta på eit nytt sokkepar. Er nok ikkje nøgd med det heller, men har bestemt meg for å gjere ferdig alle prosjekt sjølv om dei blir litt rare. Alt som blir rart får meg til å tenkje på kva som kan gjerast betre neste gong, og kva eg må gjere anleis fordi storleiken er ein annan.
Kan berre ikkje skryte i bloggen utan å ha noko å vise til.
Men no har eg altså gjort det. Spøta den gensaren eg skulle ha spøta for 22 år sidan. Den vart berre nokre nummer mindre og med eit anna mønster. Eg vart forresten så ivrig, at det ikkje tok meir enn ei veke å lage den.
Her ligg den til tørk ute, etter at eg har strekt den for å få vekk skrukkene etter tråden eg rekte opp av den gamle bolen.Må innrømme at eg er litt stolt over faktisk å ha gjennomført.
Gensaren har endeleg tørka, og jenta har fått den på seg.
Etter råd frå meir spøtekyndige enn meg, brukte eg eit par nummer større pinnar for å få gensaren stor nok. Mønsteret var nemleg eit par nummer for lite, og tråden var tjukk. Så den vart faktisk rikeleg stor, og eg trur eg må setje ein strikk i halskanten for at ho skal kunne bruke den allereie i vinter.
Og så var det endå eit sokkepar.
Eg var så misnøgd med første sokken at eg hadde vanskar med å få ferdig den andre. Trudde opphaveleg at eg skulle spøte sokkar til meg sjølv, men dei vart meir høvelege til Ingve.
Sidan eg no er ferdig med både gensaren og det "umoglege" sokkeparet, har eg starta på eit nytt sokkepar. Er nok ikkje nøgd med det heller, men har bestemt meg for å gjere ferdig alle prosjekt sjølv om dei blir litt rare. Alt som blir rart får meg til å tenkje på kva som kan gjerast betre neste gong, og kva eg må gjere anleis fordi storleiken er ein annan.
fredag 17. august 2012
Prosjekt hobbyrom - del 2
Bergljot har vore ekstra flink til å hjelpe til i dag. Kanskje fordi ho hadde utsikt til betre plass på rommet sitt?
Gamle yndlingsleikar og -bøker er pakka vekk. Dei er for born som er litt yngre enn henne. Kleskåpet er tømt og vaska. Berre kle som passar er i skrivande stund på veg inn i skåpet.
Jenta er framleis ivrig, så eg lurer litt på kor tid eg skal ymte om sengetid. Er redd for at iveren ikkje held seg til i morgon.
Susipus er i alle fall svært nøgd med rommet. Ho hoppa opp i senga så snart den var flytta og oppreidd. La seg til å male høglytt. Eit godt teikn!
Så må symaskin, strykebrett og diverse som eg har lagra andre stader leggast/setjast på plass. Har eit heilt klesskåp og mange skuffer og hyller som kan fyllast. Det skal bli godt å få alle "sysaker" samla på ein stad!
Er ikkje det gamle veggteppet frå Oldedalen flott vel?
Har inga aning om alderen, men det er heilt nytt, og har ligge vekkpakka i mange år og venta på ein høveleg vegg.
Gamle yndlingsleikar og -bøker er pakka vekk. Dei er for born som er litt yngre enn henne. Kleskåpet er tømt og vaska. Berre kle som passar er i skrivande stund på veg inn i skåpet.Jenta er framleis ivrig, så eg lurer litt på kor tid eg skal ymte om sengetid. Er redd for at iveren ikkje held seg til i morgon.
Susipus er i alle fall svært nøgd med rommet. Ho hoppa opp i senga så snart den var flytta og oppreidd. La seg til å male høglytt. Eit godt teikn!
Men hobby-koserommet mitt er framleis ikkje heilt ferdig.
Eg treng ein 60-tals lenestol eller ein liten tosetar til å sitje i. Litt betre arbeidslys hadde også gjort seg.
Er ikkje det gamle veggteppet frå Oldedalen flott vel?
Har inga aning om alderen, men det er heilt nytt, og har ligge vekkpakka i mange år og venta på ein høveleg vegg.
Prosjekt hobbyrom - del 1
Annbjørg har flytta ut av rommet sitt i kjellaren, og Ingve har flytta inn dit. Så flytta Bergljot inn på Ingve sitt gamle rom og eg skulle få rommet som er "til overs" som syrom - og anna diverse bruk.
Men så ombestemte Bergljot seg, og ville ha det gamle rommet sitt tilbake.
Takk og lov at eg ikkje hadde installert meg heilt enno!
I dag har Bergljot fått rommet sitt tilbake. Sånn omtrent. Men eg har enno ikkje fått syrom. Mykje av det ho ikkje ville kvitte seg med då ho bytte rom i første omgang ligg no att. Det skal pakkast vekk eller kastast. Basta!!
Så no held ho på med litt finpuss på det ny-gamle rommet sitt, medan eg klarnar hovudet med ein kopp kaffi og skriving.
Oppdatert plan for innreiing av hobbyrom er i ferd med å ta form. Skulle berre så gjerne hatt ein liten to-setar sofa å setje inn der. Får følgje litt med på kva folk vil gje vekk eller selje rimeleg på facebook.
Back to work!
Men så ombestemte Bergljot seg, og ville ha det gamle rommet sitt tilbake.
Takk og lov at eg ikkje hadde installert meg heilt enno!
I dag har Bergljot fått rommet sitt tilbake. Sånn omtrent. Men eg har enno ikkje fått syrom. Mykje av det ho ikkje ville kvitte seg med då ho bytte rom i første omgang ligg no att. Det skal pakkast vekk eller kastast. Basta!!
Så no held ho på med litt finpuss på det ny-gamle rommet sitt, medan eg klarnar hovudet med ein kopp kaffi og skriving.
Oppdatert plan for innreiing av hobbyrom er i ferd med å ta form. Skulle berre så gjerne hatt ein liten to-setar sofa å setje inn der. Får følgje litt med på kva folk vil gje vekk eller selje rimeleg på facebook.
Back to work!
Abonner på:
Innlegg (Atom)